1. తొక్కితే చాలు-తొంభై ఆమడలు పోతుంది. ఏమిటది?
2. ఆకాశంలో అంబు-అంబులో చెంబు-
చెంబులో చేరెడు నీళ్ళు, ఏమిటది?
౩. దేహమంతా కన్నులేకాని దేవేంద్రుడుకాదు
భుజము మీద ఉంటుంది కాని బుడతకాదు
జీవంలేదు కానీ కదిలే జీవుల్ని పట్టి బంధిస్తుంది- ఏమిటది?
4. తెల్లని శరీరం-నల్లని టోపీ: ఏమిటది?
5. నూరు ఆవులు ఒక పేడకుప్ప పెట్టాయి: ఏమిటది?
6. తెల్లని పొలంలో నల్లని విత్తనాలు-
చేత్తో వేస్తారు; నోటితో ఏరతారు: ఏమిటది?
7. ఆకాశంలో ఎగురుతుంది కాని పక్షి కాదు: ఏమిటది?
సమాధానాలు:
1. సైకిల్ 2. మేఘం 3. వల 4. అగ్గిపుల్ల 5. తేనెతుట్టె 6. పుస్తకం 7. గాలిపటం